«Эр киһи — олоҕу хамсатар сүдү күүс» - Амгинская центральная районная больница
Контакты
Адрес:
678600, Республика Саха (Якутия) Амгинский улус, с. Амга, ул. Партизанская 2,
Телефон/факс:
+7 (41142) 41167
Электронная почта:
medamgaadm@mail.ru
Единый контакт-центр здравоохранения РС(Я):
8(800) 100-14-03

«Эр киһи — олоҕу хамсатар сүдү күүс»

20 ноября, 2018

Аммаҕа эр дьон доруобуйатыгар улахан болҕомто ууруллар. Кэнники сылларга улууска эр дьон соһуччу өлүүтэ элбээбитин салайааччылар ураты болҕомтоҕо ыллылар. «Эр киһи — олоҕу хамсатар сүдү күүс» диэн бырайыак оҥорон нэһилиэктэринэн киэҥ хабааннаах үлэ саҕаланна.

Аммаҕа эр дьон доруобуйатын харыстааһыҥҥа, ыарыылары эрдэттэн сэрэтэр сыаллаах-соруктаах эр дьон доруобуйатын дьаарбаҥкатын саҕалаатылар. Улуус дьаһалтата (баһылыкНиколай Архипович Архипов) уонна киин балыыһа (кылаабынай быраасСофья Лаврентьевна Александрова) бырайыагы тус болҕомтоҕо ыллылар.

Бастакынан Соморсун нэһилиэгин эр дьону көрүү буолла. Сарсыарда эрдэттэн олохтоох амбулаторияҕа хаһааҥҥытааҕар да элбэх эр киһи муһунна. Эдэр да, кырдьаҕас да, орто да саастаахтар быраастарга уочараттаатылар.

«Эр киһи — олоҕу хамсатар сүдү күүс»

Эр дьон ортотугар саамай тарҕаммыт ыарыылары көрөр гынан онно аналлаах быраастар кэллилэр. Ол курдук уролог, хирург, кардиолог, эндокринолог, онколог быраастар бааллар. Маны сэргэ УЗИ, электрокардиограмма, анализтары ылыы буолар. Кэнники кэмҥэ күүстээх аҥарбыт ортотугар простатит, геморрой, инсульт, сахарнай диабет курдук ыарыылар элбээтилэр. Онон ыарыыны эрдэттэн сэрэтэр наадатыттан бу маннык дьаарбаҥкалар тэриллэллэрэ бэрт көдьүүстээх. Эр киһи диэн олохпут саамай күүстээх аҥара буоллаҕа дии. Онтон кинилэр доруобуйаларын мээнэ көрдөрүммэттэр, балыыһаҕа сылдьыбаттар. Ол иһин кинилэр доруобуйаларыгар болҕомто уураммыт бу маннык бырайыагы ылынныбыт,— диэн этэр Софья Лаврентьевна.

«Эр киһи — олоҕу хамсатар сүдү күүс»

Соморсун эр дьоно бэйэлэринэн кэлэн биэрбит быраастарга доруобуйаларын үөрэ-көтө көрдөрдүлэр.

— Туох да наһаа үчүгэй. Биһиги үлэттэн, дьиэттэн-уоттан соло буолан Аммаҕа кирэн көрдөрүнэр суох. Уочарат да элбэх буолар. Онон бу маннык дьаарбаҕка тэриллибитэ наһаа үчүгэй. Астынным. Кэлбит быраастарга барытыгар көрдөрдүм. Аны эр дьоҥҥо эрэ диэн анаан-минээн кэлбиттэрэ туох да астык,— диир өр кэмҥэ суоппарынан үлэлиирЕфим Нестерев.

«Эр киһи — олоҕу хамсатар сүдү күүс»

Бу күн 82 саастаахГаврил Катакиновэмиэ кэлэн туга кэнники кэмҥэ ыарытыйар буолбутун онколог бырааска кэпсээн, быраасНаталья Николаевна Кириллинакинини болҕойон истэн, бэркэ астынна. Этэргэ диэри, сылайыар диэри араас быраастарга көрдөрдө, аппарааттарга да түстэ. Гаврил Алексеевич куруутун тыаҕа сылдьар, айылҕалыын алтыһар буолан, киниэхэ 82 сааһы биэрбэккин, хоп курдук.

Дьаарбаҥка күн эр дьон доруобуйаларын эрэ көрдөрбөтүлэр. Уочараттарын кэтэһэ таарыйа табах, арыгы буортутун, доруобуйаҕа хайдах дьайарын, простатит ыарыы хайдах үөскүүрүн, туох кутталлааҕын туһунан киинэлэри, лиэксийэни иһиттилэр.

«Эр киһи — олоҕу хамсатар сүдү күүс»

Маны сэргэ кылаабынай быраас Софья Лаврентьевна Александрова уонна профкабинет сэбиэдиссэйэКлавдия Ивановна Стручкова оскуолаҕа сылдьан үөрэнээччилэргэ сөптөөх аһылык, табах буортутун туһунан кэпсээбиттэрин оҕолор да, учууталлар да бэркэ сэргээн иһиттилэр.

— Бу күн уопсайа 94 эр киһи кэлэн көрдөрдө. Ону сэргэ икки сиринэн 110 киһи доруобуйаҕа анаммыт лиэксийэлэри иһиттэ, 10 киһи «сахарнай диабет» оскуолатыгар сырытта. Элбэх киһи анаалыстары туттаран, ЭКГ, УЗИ аппарааттарга түстэ. Нэһилиэк олохтоохторо, дьаһалтата, балыыһа кэлэктиибигэр махталбыт улахан,— диэн этэр Соморсун нэһилиэгин учаастактааҕы балыыһатын бырааһаАнисия Ивановна Ефимова.

Ааптар: Наталья Бубякина